記得曾拜讀過蔡SAN早前既文章，先知佢鍾情威士忌，尤其偏好麥卡倫既雪梨桶風味，小編頓時明白，孤獨既美食家眼中對「品味」有幾執著。

如果話火鍋無文化，咁近年流行既威士忌配搭火鍋，唔知蔡SAN有咩睇法？唔講唔知，威士忌雖然酒精度高，但原來比葡萄酒更易配搭食物。據另一著名食家Total話齋，食火鍋最緊要個湯底；湯底即係性格。喧究竟唔同性格既火鍋同邊啲威士忌最夾？

即刻開估︰

胡椒豬肚鍋 x Kilchoman Machir Bay

艾雷島上最年輕的蒸餾廠Kilchoman，以酒廠比鄰既沙灘Machir Bay命名這支威士忌。其柔順口感喝起來甜美卻帶錦長煙燻泥煤回味，同辛辣帶點麻既濃郁胡椒味夾到無朋友！

海鮮鍋 x Talisker 10 Years Old

座落海邊的酒廠Talisker，其酒液也略帶微鹹既海聯、海水風味，最常喺食生蠔時搭配飲用，而搭配海鮮鍋當然都係絕配啦，點只提升海鮮甘甜味，連意境都出曨黎啦。

日式壽喜燒 x Aberlour 12 Years Old

飽滿雪莉桶既果香、巧克力、太妃糖、肉桂等風味，加上微妙煙燻感既餘韻，撞上重咸既壽喜燒，帶出鮮味之餘同時有去膩作用。

麻辣鴛鴦鍋 x Lagavulin 16 Years Old

經慢速發酵、長時蒸餾等繁複工法，風味層次豐富複雜。泥煤感頗重，又有來自雪莉桶既硫磺味同雲呢拿風味，搭配1鍋2食、雙重口感的麻辣鴛鴦鍋，

涮羊肉 x The Singleton of Glen Ord 12 Years Old

涮著羊肉，呷著威士忌，寒冬再沒有更享受既事！除左因人而異既獨特羶味，芝麻醬都係重點。此款威士忌口感溫潤偏甜，辛辣中帶回甘，跟羊肉同芝麻醬都好襯，酒精感更可以稍為降低羶味添！