喺香港甚至亞洲，鍾意雪莉桶嘅酒友大有人在，但係雪莉酒桶相對稀有，用靚桶嘅名牌更係人氣高企！到底邊度可以搵到全雪莉桶熟成，品質有保證嘅酒？ 

威士忌嘅風味有超過一半來自木桶，例如美國嘅波本威士忌必須使用橡木新桶，最大程度萃取木質精華。雪莉桶就係另一類型，木桶曾經存放雪莉酒，再陳釀威士忌，保留嘅味道令酒液熟成得更複雜。其中首次充填First Filled會最受雪莉酒味影響，再充填時味道就會漸漸減退。 

首次充填雪莉桶保留最多風味，熟成出濃郁嘅成熟水果、蜜餞、黑朱古力等香氣；而雪莉桶因為供應稀少，成本較波本桶高幾倍，造就市場對First Filled桶威士忌嘅熱情。其實因為木桶比較新，木質調同木材嘅單寧都會比較重，長時間熟成酒液容易木味過重，考驗調酒師功力；另外因為雪莉桶嘅製程，新桶有比較多硫化物，產生唔討好嘅氣味，喺First Filled特別常見。 

木桶可以用好多次，再充填桶喺消減風味後更適合調兌同長時間熟成，特別係Second Filled有足夠風味支撐原酒，木桶味亦唔會太重，係優質之選。 

要揀全雪莉桶嘅威士忌，Glenrothes格蘭路斯嘅核心款Soleo Collection一律以雪莉桶熟成。12年以1st Filled同2nd Filled原酒調兌，風格經典，口感平衡；Whisky Maker’s Cut只以首次充填酒製作，係首席大師Gordon Motion最愛嘅口味！ 

1st Filled同2nd Filled從來唔係二揀一嘅，溝埋一齊可能重好飲～