而好神奇嘅係，雖然佢喺全球7個國家入面盛行，但係「讓我們把清酒傳播到全世界」之類嘅大事，其實並唔係佢一開始嘅宗旨。

大嶺酒造位於山口縣美禰市。秋山剛志當初係為左復甦自己家族嘅清酒企業，而其實佢屋企人都奇怪，點解係揀清酒而唔係揀威士忌？

佢就認為，佢希望可以喺自己家鄉縣份入面創造到一啲令自己驕傲嘅事，而佢相信清酒有呢種力量。

大嶺酒造嘅酒一律選用到山口縣最高級嘅「山田錦」同埋酒造附近嘅水源——弁天の湧水，當中嘅成分會令到釀造出黎嘅作品非常順滑。

大嶺酒造顛覆左日本酒傳統嘅印象，以充滿藝術感嘅造型展示世人。

曾經喺紐約修讀設計嘅秋山剛志，考慮到平時清酒嘅label都係漢字，外國人未必睇得明，再加上希望客人對大嶺嘅Label有深刻印象，所以特登搵左瑞典Stockholm Design Lab 黎幫佢哋設計間清酒廠同Label。

佢哋亦一直走在潮流尖端，將清酒同潮流連成一線：

同日本著名藝術家河村康輔合作，推出河村康輔作品風格——「拼貼藝術」Label。

同NIGO、Pharrell Williams、HUMAN MADE合作推出Sake Storm Cowboy嘅瓶身設計，極具收藏價值。