下一個問題就係：「咩係二割三分？」（答：精米步合度23%，簡單黎講就係一粒米嘅外層比人磨走左77%）
相信好多人未飲過Sake都會聽過獺祭呢個名，
而第一支飲嘅Sake可能正正就係獺祭。
甚至好多人諗起清酒第一個品牌都係諗起獺祭。
咁到底獺祭有咩咁出名？點解獺祭咁出名？
其實獺祭都曾經經歷過面臨差啲收檔，比人睇低嘅情況
點樣達到今日呢個成績？
等我地用五個原因話你知啦！
————————————————
【突破最低精米步合技術】
二割三分聽落好零丁？其實原本係想做到精米步合25%嘅，點知比佢八到有另一間酒造想挑戰24%精米步合喎！咁既然要挑戰，就要挑戰到底！佢決定再割多2%，造就左二割三分啦。
————————————————
【數據化釀造內容】
社長曾經經歷過被杜氏拉大隊走人，所以佢決心靠自己。憑住將釀酒資料數據化，將經驗化為數據之後再不停改進，終於釀到穩定又高質素嘅清酒。
時至今日，就算無杜氏喺度，酒造都可以順利運作。
————————————————
【直接接觸零售商】
傳統酒造通常都會將清酒批發俾「問屋」，再透過問屋發放俾零售商先會去到客人手上。但係社長覺得「問屋」唔重視佢哋，所以決定跨過問屋，直接同重視品質嘅零售商建立關係同供貨，令更加多客人注意到佢哋嘅高品質清酒。
————————————————
【到海外發展】
走在潮流尖端嘅社長留意到海外市場嘅潛力，叫左佢個仔幫手去紐約發展海外市場。然後受到法菜教父米芝蓮名廚Joël Robuchon嘅賞識，成功喺巴黎設立餐廳「Dassai‧Joël Robuchon」。
————————————————
【山田錦計畫】
社長堅持使用「酒米之王」山田錦，除左直接同米農買米之外，仲會提供數據去搵出改善山田錦種植嘅方法，務求互惠互利。
喺2019年，社長仲發起埋「山田錦計畫」嘅酒米比賽，品評各個米農種植嘅山田錦，再以高過市價50倍嘅價錢買入最好嘅山田錦，變相鼓勵米農改良酒米，令酒造有更好嘅原材料釀酒。
