一般人對RUM酒嘅印象都係用嚟調酒，但係今日想同大家介紹一款非常適合單飲嘅RUM酒，呢款酒香甜得來又唔會膩，使用古老嘅銅蒸餾器精心釀造，並於小橡木桶中陳存長達 12 年之久，幾乎用全蔗糖、蔗蜜作為原料，聞落去有少少焦糖，飲落去仲有朱古力🍫 香甜氣息，就算女仔都好啱飲。整個系列中風味最濃郁、香氣及甜味都堪稱為冠軍既，就係Diplomático外交官Reserva Exclusive。

Diplomático 及其姊妹酒廠始於 1959 年委內瑞拉🇻🇪，當時由 Licoreris Unidas S.A 擁有，主要股東 Seagram’s International係世上最大嘅酒精飲料供應商之一，而家呢間公司已經係委內瑞拉最大嘅RUM酒生產商之一。Diplomático屬於 "Ron de Venezuela" DOC 法定產區（受保護嘅原產地名稱），且被公認為世界上最優秀RUM酒之一。