睦紗酒莊 Chateau Musar | 黎巴嫩國酒 | 承載著歷史文化的不朽作品  

即使撇除佢喺酒界既貢獻同知名度**，睦紗酒莊(Chateau Musar)已故莊主Serge Hochar依然係一個傳奇。1975年至1990年黎巴嫩內戰期間，Serge冒著生命危險、克服萬難釀出世界級葡萄酒，固然讓人折服；然而Serge之所以傳奇，更多係因為佢嘅幽默睿智、充滿悖論同隱喻嘅思想，總能啟發著世人，尤其係身處亂世嘅人群。

Serge︰「我們很幸運，因為黎巴嫩是一個弱小的國家，所以我們是現實情況的奴隸。這是我們的幸運，也是我們的命運。」看似認命既自嘲，飽經風雨磨鍊出嘅感悟。放喺今日香港，感受深刻雋永。

Serge嘅出生地黎巴嫩首都貝魯特（Beirut），長期被不同民族統治、攻佔，但亦因此融合咗各類文化——西歐同奧斯曼近東地區嘅思想和語言在此融合；腓尼基人幾個世紀累積下來嘅智慧，令看似不可調和嘅宗教同強權政治理念共存。

長期戰火不斷卻係中東文化、商業、時裝及媒體中心 (2006年貝魯特獲《Travel+Leisure》選為全球最佳度假城市第9位)，呢片神奇嘅土地孕育出Serge蜿蜒迂迴、不斷提問嘅思辯精神，而承載住呢種哲學既睦紗酒莊葡萄酒，對於嗰啲痴迷於技術正確嘅品鑑者眼中，經常係出格、甚至匪夷所思既。

《Decanter》第一屆Wine Man of the Year Serge Hochar畢生傑作

Serge曾對媒體表示，佢用左18年時間先搵到睦紗酒莊既「正確」混釀——一種違反直覺嘅赤霞珠、佳麗釀（Carignan）及神索（Cinsault）混釀。佢聲稱睦紗酒莊葡萄酒，適飲時間係葡萄酒30歲既時候︰「隨著陳年，葡萄酒會變得更加年輕而宏大。為什麼？我完全不知道。今年，我釀造了我的第56個年份。然後我發現——這遠遠不夠。我需要2,000年的時間來徹底理解這一切。葡萄酒交給你時間的哲學、緩慢的哲學。」

喺某種程度上，Serge係一個終極不干涉主義者——1959年1961年既Chateau Musar係完全不添加硫磺嘅葡萄酒，而佢從未喺葡萄酒中添加硫磺以外既任何東西；甚至將橡木使用減至最少。喺戰亂已經摧毀一切既情況下，佢依然相信佢嘅釀酒原料，經常傾聽佢所感覺到嘅葡萄酒嘅「訴求」，俾佢地更多時間、更多表現空間、更多自由去展現自己。

無論從哪一個角度看，Chateau Musar都係世界上最獨一無二嘅偉大酒莊，沒有任何代替品。如果你從來無飲過Chateau Musar嘅葡萄酒，品鑑前不要設定任何預期，並且對一切抱著開放心態，你必然會愛上並陶醉其中。

________________________________________________

**權威雜誌《Decanter》喺1984年將第一屆「Wine Man of the Year」呢個至高殊榮頒給Serge Hochar，以表揚佢對酒界嘅不朽貢獻。